Կոլբա լաբը գաղափարների ինկուբատոր է, որը գործում է Հայաստանում ՄԱԶԾ-ի և ԵՄ-ի գրասենյակների աջակցությամբ: 2016 թ.-ից Կոլբա լաբը սերտորեն համագործակցում է ԵՔԿՏԿ-ի հետ՝ համատեղ ջանքերով մշակելով և ինկուբացնելով Երևանը՝ խելացի քաղաք տեսլականին ուղղված բազմաթիվ նորարար գաղափարներ: Այս համագործակցության արդյունքում Երևանի քաղաքապետարանը 2017 թ.-ին հյուրընկալել է 70՝ տվյալների գիտնականների և ինժեներների 24-ժամյա Երևանի առաջին Data Hackathon-ի ընթացքում տվյալների օգտագործման ժամանակակից լուծումներ մշակելու համար:

Բացառիկ գործընկեր, որի հետ աշխատանքը լավատեսությամբ է լցնում մասնագիտական գերազանցության ու բարեվարքության վերաբերյալ։ Հնարավորություն եմ ունեցել աշխատել թիմի հետ 2016 թվականից և չեմ դադարում հիանալ նրանց եռանդով ու ճկունությամբ։ Մաղթում եմ թիմին հաջող ընթացք ու նորանոր խելացի լուծումներ Երևանի համար։

Զբոսաշրջությունը սերտորեն կապված է քաղաքի արդյունավետ կառավարման մի շարք գործոնների հետ, ինչի մասին են վկայում Երևանի քաղաքապետարանի Տուրիզմի բաժնի և Երևան քաղաքի կառավարման տեխնոլոգիաների կենտրոնի հետ համատեղ իրականացված ծրագրերը: Visityerevan.am կայքը և բջջային հավելվածները, Երևան քաղաքի QR կոդերով հուշարձանների համալրումը, Երևանի բազմալեզու քարտեզների մշակումը, Զբոսաշրջային տեղեկատվական աջակցության և քաղաքացիների սպասարկման կետերի համակարգումն ու շահահգործումը այդ ամենի լավագույն դրսևորումներն են: