Կոլբա լաբը գաղափարների ինկուբատոր է, որ գործում է Հայաստանում ՄԱԶԾ և Եվրոպական Միության գրասենյակների աջակցությամբ:2016 թվականից Կոլբա լաբը սերտորեն համագործակցում է Երևան քաղաքի կառավարման տեխնոլոգիաների կենտրոնի հետ՝ համատեղ ջանքերով մշակելով և ինկուբացնելով Երևանը՝ խելացի քաղաք տեսլականին ուղղված բազմաթիվ նորարար գաղափարներ: Այս համագործակցության շնորհիվ էր, որ 2017 թ-ին Խելացի Երևան խորագրով առաջին տվյալների հաքաթոնն իրականացվեց մայրաքաղաքում, որի շուրջ համախմբվեցին մի քանի տասնյակ ծրագրավորողներ և մաթեմատիկներ՝ առաջարկելով Երևան քաղաքի արդյունավետ կառավարմանն ուղղված տվյալների վերլուծության նորորար գործիքներ:

Բացառիկ գործընկեր, որի հետ աշխատանքը լավատեսությամբ է լցնում մասնագիտական գերազանցության ու բարեվարքության վերաբերյալ։ Հնարավորություն եմ ունեցել աշխատել թիմի հետ 2016 թվականից և չեմ դադարում հիանալ նրանց եռանդով ու ճկունությամբ։ Մաղթում եմ թիմին հաջող ընթացք ու նորանոր խելացի լուծումներ Երևանի համար։

Զբոսաշրջությունը սերտորեն կապված է քաղաքի արդյունավետ կառավարման  մի շարք  գործոնների հետ,  և հատկանշական է, որ Երևանի քաղաքապետարանի աշխատակազմի Տուրիզմի բաժնի և Երևան քաղաքի տեխնոլոգիական կառավարման կենտրոնի հետ համատեղ իրականացված ծրագրերը՝ Երևան քաղաքի QR կոդերով հուշարձանների համալրումը, Երևանի բազմալեզու քարտեզների մշակումը, Զբոսաշրջային տեղեկատվական աջակցության և քաղաքացիների սպասարկման կետերի համակարգումն ու շահահգործումը այդ ամենի լավագույն դրսևորումներն են: "Երևան քաղաքի կառավարման տեխնոլոգիաների կենտրոն"-ի թիմին մաղթում ենք հաջողություն և նորանոր ձեռքբերումներ այդչափ կարևոր ու պատասխանատու գործում՝ ի նպաստ Երևանի զարգացման և «Խելացի քաղաք» համակարգի լիարժեք  իրականացման համատեքստում: