Մարզադպրոցների կառավարման համակարգ

Երևանի քաղաքապետարանի թվային փոխակերպման ռազմավարությամբ նախատեսված ծրագրերում կարևոր տեղ են զբաղեցնում կրթության և սպորտի բնագավառներում իրականացվող միջոցառումները և ներդրվող համակարգերը, որոնց շարքը համալրվել է մանկապատանեկան սպորտի ոլորտում թվայնացման գործընթացով։ 

sport.yerevan.am-ը Երևանի քաղաքապետարանի ենթակայությամբ գործող 36 մարզադպրոցների կառավարման միասնական հարթակ է, որը գործարկվել է 2023 թվականին։

Այստեղ ներկայացված են մարզադպրոցները և դասավանդվող մարզաձևերը, մուտքագրված են մարզիչների և մարզիկների տվյալները, շարունակաբար հրապարակվում են քաղաքային մարզական միջոցառումները։

Այս պահին համակարգն արդեն հասանելի է քաղաքացիներին։ 

Մարզադպրոցների և մարզաձևերի մասին համապարփակ տեղեկատվության տրամադրումից բացի կայքը հնարավորություն է տալիս “Առցանց դիմումի” օգնությամբ  ընտրել մարզադպրոց և երեխային մարզադպրոց ընդունման հայտ ուղարկել՝ մուտքագրելով ծնողի բջջային հեռախոսահամար և ներկայացնելով երեխայի հանրային ծառայությունների համարանիշը։